السلام عليكم ورحمة الله
مسائكــمـ طيب ومبارك ويدوم عليكم الخـــير
عندي قصيدة رااائعه ومعبرة جداااا قالها أحد شعراء ليبيا وصف
حاله وومعاملته مع الحياة ومع البشر
بالهجة الليبية يعني ممكن تصعب بعض الكلمات فهمها ع الكثير
لكن اللي يصعب عليه شي عادي يعلق وأنا نشرح له
تفسير بعض الكلمات مثل
الزايلة ( الناقة ) أو ( الجمل )
الجرد ( عباءة ) يلبسها الرجال
الجوابي ( أبار المياه)
وهذه القصيدة
مرات نطرب والمدامع سايلة **** ومرات يوم الفرح نبكى فيه
ومرات اثقل ثقل نقعد شايلة **** ومرات حمل الريش نغلب فيه
ومرات نحمل فى حمول الزايلة**** ومرات حتى الجرد نغلب فيه
ومرات نسقى والجوابى فاضية**** ومرات نعطش والميه فيه
ومرات نقرب والموانع حايلة ***** ومرات نبعد رغم شوقى ليه
ومرات ندهب فى خيار القايلة ***** ومرات حتى الليل نخبر فيه
ومرات ننسى فى جروحى الغالية ***ونشقى بجرح رفيق وانداويه
ومرات تعجبنى البعيد فعايله **** ومرات حتى خوى نكره فيه
ومرات نتوه فى خيار القايلة**** ومرات حتى الليل انخبر فيه
مرات يحرمني الزمان جمايله **** ومرات يالطيف نطغي بيه
والعمر فاني والدعية زايله **** ومحال توصل كل شي تبيه
مرات نبقي في الحياه طربان**** ومرات نبقي مالزعل موجوع
ومرات نبعد ع الاحباب زمان **** ومرات نرجع بالحنين ارجوع