السلام عليكم وطابت اوقاتكم بكل خير
عوده يالغالين بقصيده اتمنى تنال اعجابكم
يالي على وجهي بنيتي للامل لحضة لقى
استودعك بالله فمان الله يالغض الفتون
لاصرت باني لك امل يبني على وضح النقى
وانتي هدمتي مابنيته والسبب لحظة جنون
وش حيلتي لاضاع حلمي من يدينك مابقى
ياكود جرح فالضلوع يصيح من نظرة عيون
نادمت قلبك واثر قلبك ماوفى للاصدقى
مخلفك عن درب الهوى كثر المشاكل والظنون
روحي وزرعي فالمحبه لو سقيته مانسقى
عوايد الحظ الردي لو بعدله بيطيح دون
يانعنبو نار الهوى تخلف هقاوي من هقى
ويانعنبو نار الهوى تطرح طويلات الغضون
روحي فمان الله لو حبك بقلبي قد رقى
بعيش عنك براحتي لو كان بعدك مايهون
بوادعك ماني براضي عيشة (ن) فيها شقى
واصبر واصبُر قلبي الي صاح من كثر الطعون
